Hráefni:
- 400-500 gr kjúklingabringur
- 2 msk ólívuolía
- 300 gr sveppir
- 1 skallotlaukur
- 4 hvítlauksrif
- 60 gr parmesan ostur plús extra til að toppa með í lokin
- 1 pakki af uppáhalds pastanu þínu
- 1/2 tsk sjávarsalt
- 1/4 tsk pipar
- 1 dl hvítvín þurrt
- 2 dl kjúklingaoð
- 2 dl rjómi
Aðferð:
1. Stillið ofninn á 200 gráður. Nuddið ólívuolíu á kjúklingabringurnar og kryddið þær vel með salti og pipar, á báðum hliðum. Setjið þær í eldfast form og inn í ofninn í um 30 mín eða þar til kjúklingurinn er eldaður í gegn og orðinn fallega gylltur.
2. Á meðan kjúklingurinn er í ofninum þá fer vatn í pott ásamt smá salti. Pastað er soðið eftir leiðbeiningum á umbúðum. ÞEgar pasta er tilbúið þá er um 1/2 dl af pastavatninu tekið til hliðar og geymt fyrir sósuna. Skerið sveppina í stóra bita og skerið skallotlaukinn mjög fínt niður ásamt hvítlauknum. Rífið parmesan ostinn gróflega niður. Leggið þetta allt til hliðar.
3. Steikið sveppina upp úr ólívuolíu á pönnu í um 8 mínútur, bætið þá skallotlauknum á pönnuna ásamt salti og pipar og hrærið reglulega í þar til laukurinn fer að mýkjast. Bætið hvítlauknum saman við í lokin, og steikið áfram í um 30 sek. Bætið þá hvítvíni út í og látið malla þar til hvítvínið er nánast gufað upp, eða í um 2-3 mínútur. Þá fer kjúklingasoð, rjómi og pastavatn saman við sveppablönduna, hrært vel saman og náð upp suðu. Leyfið þessu að malla í um 6 mín.
4. Skerið næst kjúklingabringurnar í hæfilega munnbita og setjið út á pönnuna ásamt pasta og rifnum parmesan. Þessu er blandað vel saman og hrært reglulega í þar til osturinn hefur bráðnað og sósan þykknað. Smakkið til með salti og pipar.
Borið fram með rifnum parmesan og svörtum pipar.