Strákarnir í FM95Blö gefa árlega út lag fyrir Þjóðhátíð í Vestmannaeyjum og í ár varð engin breyting á en lagið „Ég Ætla Að Sigra Eyjuna“ kom út í júlí. Á vef RÚV er vakin athygli á því að lagið sé skuggalega líkt lagi hljómsveitarinnar Aventura frá árinu 2002 og því vakna upp spurningar hvort þjóðhátíðarlag FM95Blö sé stolið.
Sjá einnig: FM95Blö og Jóhanna Guðrún senda frá sér nýtt þjóðhátíðarlag: „Ég ætla að sigra eyjuna”
Þeir Ásgeir Orri Ásgeirsson og Sæþór Kristjánsson eru skrifaðir fyrir lagi FM95Blö og það er framleitt af StopWaitGo.
Hér er lag strákanna í FM95Blö
Og hér er lag hljómsveitarinnar Aventura, Obsession, frá árinu 2002 en ljóst er að lögin eru mjög lík
Þetta á sér þó eðlilega skýringu eins og Nútíminn greindi frá þegar lagið kom út en Auddi ræddi lagið í viðtali við Brennsluna þegar það kom út.
„Þetta er lag sem ég heyrði í Suður Ameríku. Við Steindi fórum á Carnival og ég heyrði það þar og varð að vita hvað það héti,” segir Auddi sem fékk nafnið á laginu frá þjóni á veitingastað næsta dag. Hann segist svo hafa verið að hlusta á lagið á leiðinni til Vestmannaeyja fyrr á árinu og hafi þá hugsað að þetta gæti orðið gott Þjóðhátíðarlag.
Auddi gerir grín að umfjölluninni í dag á Twitter, auðvitað séu öll lögin séu frumsamin!
Ætla að vona að Rúv fari ekki að kafa nánar í hin lögin okkar. Get staðfest að Án þín, Fm95blö-lagið, Þjóðhátíð Bíður og Ég fer á Þjóðhátíð eru öll frumsamin!
— Auðunn Blöndal (@Auddib) August 3, 2018