„Bílaeigendur að kvarta undan einelti, er álíka og ef þeir sem eru hvítir á hörund á Íslandi myndu kvarta undan mismunun“

Auglýsing

Gísli Marteinn Baldursson fjölmiðlamaður og fyrrverandi borgarfulltrúi Sjálfstæðisflokksins skirfaði bloggfærslu í gær sem fengið hefur talsverða athygli. Í færslunni færir Gísli rök fyrir því að fólk fólk hafi ekki valið einkabílinn sem sinn aðal ferðamáta, heldur hafi það verið pólitísk ákvörðun og fólk hafi ekki haft neitt raunvörulegt val.

Gísli segist raunar sjálfur hafa verið á þeirri skoðun að ákvörðunin hafi verið í höndum fólksins en eftir að hafa skoðað málið komst hann að annari niðurstöðu. „En hvaða val hafði fólk? Í borg sem skipulagði sífellt ný úthverfi og skar á sama tíma niður í almenningssamgöngum þannig að þær voru strjálar og gamaldags; hvaða val hafði fólk þá? Það voru engir hjólastígar og varla göngustígar og jafnvel þótt þeir hefðu verið til stðar var pabbi minn ekkert að fara að labba í vinnuna niður á Hverfisgötu eftir að við vorum flutt í blokkaríbúð í Breiðholtinu. Nei, staðreyndin er sú að fólk valdi ekki einkabílinn — stjórnmálamenn völdu einkabílinn fyrir það,“ segir Gísli.

Gísli segir umræðuna um einelti gagnvart einkabílnum oft vera fyrirverðamikla meðal þeirra sem eru virkir í athugasemdum en hann gefur lítið fyrir þetta meinta einelti. „Bílaeigendur að kvarta undan einelti (eða aðför að sér), er álíka og ef þeir sem eru hvítir á hörund á Íslandi myndu kvarta undan mismunun gegn sér. Eða ef Neil Young myndi kvarta undan því að Óli Palli spilaði sig ekki nógu mikið á Rás 2. Engum hópi á Íslandi hefur verið þjónað betur en bílaeigendum síðustu 60 árin, ekki síst í Reykjavík,“ segir Gísli.

Að lokum bendir Gísli á að Reykjavík hafi verið skipulögð
út frá mislukkuðum spádómi um að bílum myndi fjölga nánast óendanlega og að fólk myndi ekki leitast eftir því að notfæra sér aðra ferðamáta.

Auglýsing

læk

Ummmmm...

Instagram