Guðni Th. Jóhannesson, forseti Íslands, segir að hann þurfi blessunarlega ekki að hafa opinbera skoðun á uppátæki Hatara á lokakvöldi Eurovision. Þetta kemur fram á vef mbl.is í dag.
Sjá einnig: Lilja Alfreðs ræðir uppátæki Hatara: „Þeir hafa auðvitað fullt frelsi til að tjá sig“
„Þetta eru ljúfir drengir og kunna að láta á sér bera, það er ekkert yfir því að kvarta,“ bætir hann við. Guðni horfði á upphafið af atriði Hatara í símanum sínum í Kanada en náði ekki að klára atriðið vegna lélegs netsambands þar sem hann var staddur í Manitoba-ríki í Kanada.
Hann segir að Íslendingar geti verið sáttir með tíunda sætið.