Börn tíunda áratugarins hafa yfir meiru að gleðjast en endurkomu Spice Girls en í gær gáfu Disney og Pixar út nýja kítlu fyrir Toy Story 4. Myndin verður frumsýnd 19. Júní 2019 eða 24 árum eftir að hin fyrsta „Leikfangasaga” var gefin út. Það er Variety sem greinir frá þessu.
Það gleður eflaust marga að flest leikföngin virðast vera á sínum stað, Bósi Ljósár, Viddi, Dísa, Rex og allir hinir sjást haldast í hendur dansandi í draumlíku ástandi. Ný viðbót er föndraða leikfangið Forky en samkvæmt heimildum Variety byggir myndin að einhverju leyti á því hvað gerist eftir að honum er bætt við leikfangasafnið.
Það sem meira er að í dag kom opinbert „reaction” myndband frá þeim Ducky og Bunny sem eru nýjar persónur í söguheiminum en það eru Keegan-Michael Key og Jordan Peele sem ljá þeim rödd sína.