Ástralska leikkonan Rebel Wilson eyddi verslunarmannahelginni á Íslandi og var dugleg að sýna aðdáendum sínum frá ferðinni á Instagram.
Í dag birti hún myndband þar sem hún skemmtir sér vel á snjósleða og borðar vínarbrauð úr íslensku bakaríi.
Wilson hefur nýtt helgina vel en hún hefur meðal annars skoðað jökla, farið í þyrluferð og skoðað gullna hringinn. Í gær heimsótti hún íslenskan sveitabæ en var ekki hrifin af lyktinni sem tók á móti henni þar.
„Lyktar þetta svona alltaf?” spurði hún í myndbandi sem hún birti sem sögu á Instagram síðu sinni. Hér að neðan má sjá fleiri færslur sem hún hefur deilt með aðdáendum úr ferð sinni.