Svissneski flugherinn truflaði Jóðlara

Auglýsing

Gestum og þátttakendum í hinni árlegu Norð-Vestur Svissnesku Jóðlhátíð sem haldin var í bænum Mümliswil á dögunum brá heldur betur í brún þegar hluti Svissneska flughersins flaug orrustuþotum sínum óvænt yfir höfðum hátíðargesta.

Var ætlunin með fluginu að heiðra minningu frumkvöðulsins Oskar Bider í tilefni þess að 7. júlí voru 100 ár liðin frá dauða hans. Biden var fyrstur manna til að fljúga fram og til baka yfir Alpafjöll, en það gerði hann rétt eftir 22 ára afmælisdag sinn árið 1913.

Biden þessi var fæddur í bænum Langenbruck, sem staðsett er um það bil 6 km frá Mümliswil, en flugsveitarforinginn kvaðst hafa ruglast í ríminu þegar hann sá tjöldin sem jóðlararnir höfðu sett upp og stefnt liði sínu þangað í stað Langenbruck, en ekkert GPS tæki var í vélunum.

Fram kemur í frétt BBC um málið að jóðlarar hafi notið sýningarinnar, en talsmaður Svissneska varnarmálaráðuneytisins hefur beðist formlega afsökunar á atburðinum.

Auglýsing

læk

Ummmmm...

Instagram