Hin 76 ára gamla Rosemarie Riley roðnaði aðeins þegar að hún áttaði sig á því að hún hefði keypt kassa af smokkum – en ekki kassa af tepokum.
Rosemarie gleymdi nefnilega gleraugunum sínum þegar hún skaust inn í Asda til að kaupa te, brauð og hundamat – og þegar hún kom heim þá sá hún að þetta var stór kassi af smokkum en ekki tepokum.
Stór kassi af Durex Thin Feel er nefnilega ekki svo ósvipaður stórum kassa af Tetley tepokum – það er að segja þegar maður gleymir gleraugunum heima að sjálfsögðu.
Það hefur verið mikið hlegið heima hjá henni Rosemarie í kjölfarið og þá sérstaklega þegar að eiginmaður hennar, hinn 78 ára gamli John Riley, fann kassann og spurði hana hvað hún ætlaði eiginlega að fara gera með þetta.
Barnabarn Rosemarie, hin 29 ára gamla Gemma, tók að sér að skila kassanum – en hún gat varla lagt af stað frá ömmu sinni því hún hló svo mikið.