Jada Pinkett Smith sniðgengur Óskarsverðlaunahátíðina, kallar eftir breytingum

Leikkonan Jada Pinkett Smith hyggst hvorki mæta á né horfa á Óskarsverðlaunahátíðina í febrúar. Þetta kemur fram í myndbandi sem hún birti á Facebook-síðu sinni í morgun.

Martin Luther King Jr. dagurinn er haldinn hátíðlegur í Bandaríkjunum í dag á fæðingardegi frelsishetjunnar. Ástæðan fyrir því að Jada hyggst sniðganga verðlaunahátíðina er sú að enginn svartur leikari, leikkona eða leikstjóri er tilnefndur til Óskarsverðlauna í ár.

Í myndbandinu kallar Jada Pinkett Smith eftir breytingum. „Að þurfa að grátbiðja um viðurkenningu gerir lítið úr okkur,“ segir hún.

Sjáðu myndbandið hér fyrir neðan.