Mette Frederiksen, forsætisráðherra Danmerkur, var á göngu í miðbæ Kaupmannahafnar þegar maður réðist að henni og sló hana.
Maðurinn var handtekinn skömmu síðar en ekki hefur verið gefið upp hver ástæða árásarinnar var eða hvernig árásarmaðurinn leit út en hann var 39 ára gamall að sögn lögreglu.
Forseti Evrópusambandsins, Ursula von der Leyen, sagði verknaðinn ógeðfelldan og að hann færi gegn öllu sem Evrópa stendur fyrir.
Tvær konur sem urðu vitni að árásinni sögðu að maðurinn hefði komið úr gagnstæðri átt og slegið harkalega í öxl hennar sem varð til þess að hún féll til jarðar.
Talsmaður forsætisráðherrans sagði að Mette væri slegin eftir atvikið og hefði fengið væga tognun á hálsi.