Árni Freyr Einarsson og Gunnar Ársæll Ársælsson mættu í Bítið á Bylgjunni og ræddu svokallaðan sprautuskaða sem þeir urðu fyrir.
Bæði Árni og Gunnar fóru í bólusetningu við Covid-19 eins og meirihluti Íslendinga þegar byrjað var að bólusetja. Báðir urðu þeir fyrir miklum heilsumissi í kjölfarið og hafa ákveðið að stofna samtök fyrir fólk sem lent hefur í svipuðum áföllum eftir bólusetningu.
Alltaf verið æft af krafti og verið mjög virkur
Árni segist hafa fengið Moderna bóluefnið og fengið fyrri sprautu 6. júní 2021 og þá seinni 26. eða 28. júní sama ár.
Árni segir að eftir það hafi hann veikst og byrjað að finna fyrir verkjum fyrir hjartanu og doða og vaknað með náladofa í útlimum og stundum varla getað staðið á fætur. Hann tekur fram að þegar þarna er komið hafi hann ekki verið búinn að fá Covid-19 en hann hafi varla fundið fyrir sjúkdómnum sjálfum og lýsir því eins og slæmu kvefi.
Aðspurður segir Árni að hann hafi leitað til læknis í kjölfarið og læknirinn sent hann í ýmis rannsóknir og kemur í ljós að hann er kominn með hjartavöðvabólgu sem hann segir algenga aukaverkun af bólefnunum að og slík tilvik séu orðin ansi mörg.
Þáttastjórnandi skýtur inn að læknar séu byrjaðir að skoða samhengi milli bólusetninganna og hjartavöðvabólgu.
Árni segist vona að saga þeirra verði til þess að fólk sem orðið hefur fyrir skaða vegna bóluefnanna þori að stíga fram en honum fannst sjálfum mikil skömm að gera það.
Árni er spurður hvernig líf hans hafi breyst eftir bólusetningu og svarar því að hann hafi alltaf verið mjög virkur og æft af krafti og gengið fjöll reglulega en síðan veikindin byrjuðu hafi hann hætt að geta gengið upp stigana í vinnunni.
„Ég er að vinna á vinnustað sem er sex hæðir og byrja að finna fyrir því að ég er hættur að geta labbað upp þrjár hæðir og í janúar í fyrra var ég hættur að geta gengið niður stigann.“
Árni segir að hann hafi í framhaldinu lagst inn á Reykjalund í sjö vikur og að það hafi hjálpað honum mikið. Hann ber staðnum og starfsfólki vel söguna og segir að þar hafi hann lært mikið á sjálfan sig og hvað hann sé nú fær um að gera og hvað ekki.
Var alltaf íþóttamaður í fantaformi
Gunnar tekur svo til máls og segist hafa starfað sem verslunarstjóri í Krónunni og verið nýbúinn að kaupa sér íbúð uppi á fjórðu hæð þegar hann veikist.
„Fljótlega eftir sprauturnar þá byrja ég að finna fyrir því að ég fæ aukaslög (fyrir hjartað)“
Hann segir að líkaminn hafi byrjað að gefa merki um að hann sé súrefnislaus og sé alveg að kafna og þá fyllist hann ofsakvíða og nái varla andanum.
Hann segir nágrannana sem komu að honum hafa orðið skelfingu slegna að sjá hann og hann fundið fyrir miklum ótta sjálfur við þetta. Ef hann svo komst upp stigann þá varð hann að fara út á svalir og leggjast þar fyrir til að fá kalt og ferskt loft því köfnunartilfinningin innandyra var yfirþyrmandi.
Hann segist hafa verið íþróttamaður í góðu formi alla sína ævi fram að þessu en ástandið á honum eftir sprautur sé allt annað.
Aðspurður segir Gunnar að fljótlega eftir bólusetningu hafi hann fengið aukaslög fyrir hjartað og vaknað við það á nóttunni. Hann segir að hjartalæknirinn sinn hafi tjáð honum að hann hafi fengið gollurhúsbólgu og hefur hann verið í hjartarannsóknum alla tíð síðan.
Hann segir frá að þrátt fyrir að alltaf hafi fundist eitthvað athugavert í þeim rannsóknum sem hann hafi farið í hafi læknar tönnlast á við hann að hann væri nú hraustur maður og þá hafi honum fundist hann verða að harka af sér.
Hann segir að hann finni fyrir heilsuleysi í daglegu lífi og finnur fyrir hjartsláttartruflunum við litlar breytingar eins og til dæmis að fara í heita pottinn í sundlaugunum.
Þáttastjórnandi spyr hvort þeir finni fyrir ótta við þetta ótrygga ástand og báðir segjast finna fyrir ótta um að hjartað kunni að stöðvast hvar og hvenær sem er og Árni segir að hann hafi fjórum sinnum farið á bráðamóttöku og vakni með verki fyrir brjósti.
Mikilvægast að fólk geti sagt frá án þess að skammast sín
Þeir segja að lokum að ástæða fyrir stofnun samtakanna sé fyrst og fremst að berjast fyrir rétti þeirra sem hafa orðið fyrir sprautuskaða. Hann sé ekki bara fólginn í að reyna að fá bætur vegna bóluefnaskaðans heldur ekki síst að fá ástand sitt einfaldlega viðurkennt og að fólk þori að ræða það opinberlega.
Þeir segja báðir það vera staðreynd að skaðinn komi vegna bóluefnanna en ekki Covid-19 og að fólk geri lítið úr veikindum þeirra þegar það heyrir að þau séu tilkomin vegna bóluefnanna.
Gunnar segir meðal annars að jafnvel fólk sem hann þekkti hafið látið sig hverfa þegar hann opnaði sig um ástæðu veikinda sinna og hafi byrjað að líta á hann sem einhverskonar óvin í kjölfarið.
Allir í þættinum eru sammála um að umræða um þessi mál sé mun lengra komin erlendis en á Íslandi en þörf sé á meiri umræðu. Stofnfundur samtakanna verður á Hótel Kríunesi þann 26. maí næstkomandi og allir velkomnir að mæta.
Samkvæmt þessari frásögn virðist fólk enn vera feimið við að segja frá sinni lífsreynslu með bóluefnin en þann 16. febrúar 2023 tilkynnti Morgunblaðið úrslit skoðanakönnunar þar sem sá hópur sem flestum mislíkaði mjög við voru andstæðingar bólusetninga.
Einnig var algengt að sjá fjölmiðla vera með greinar þar sem fólk var fullvissað um að allar slíkar áhyggjur væru óþarfar og slíkt tal jafnvel talið hættulegt.
Slíkar greinar er að finna á flestum fjölmiðlum, þar á meðal Vísi, DV, RÚV, Heimildinni, Bændablaðinu og einnig Visindi.is þar sem fólk var fullvissað að bóluefnin væru skaðlaus og læknar stigu fram og sögðu þöggunartilburði vera til staðar gagnvart læknum sem hefðu áhyggjur af aukaverkunum.
Árni og Gunnar segja þörf á að opna á þessa umræðu og að fólk geti skilað skömminni með að ganga í eða styðja samtök fólks með sprautuskaða.