Það hefur líklega farið fram hjá fáum að síðastliðinn sunnudag vann Bandaríska landsliðið 2-0 sigur á liði Hollendinga í úrslitaleik heimsmeistarakeppni kvenna í fótbolta. Í Bandaríkjunum var leikurinn var sýndur á sjónvarpsstöðinni Fox en tölur sýna að 14,3 milljónir fylgdust með leiknum á þeirra rásum.
Þetta er 22 prósenta aukning sé miðað við úrslitaleikinn á heimsmeistaramóti karla frá því í fyrra, en þá fylgdust 12,5 milljónir Bandaríkjamanna með útsendingunni.
Samkvæmt Hollywood Reporter fylgdust þar að auki 1,6 milljón með spænskri lýsingu leiks kvennaliðsins á stöðinni Telemundo og því tæpar 16 milljónir sem fylgdust með leiknum í Bandaríkjunum.