Borðar maður fylltar Appolo reimar með eða án hýðis?

Auglýsing

Skemmtileg umræða myndaðist á Reddit í dag eftir að notandinn birkir birti þessa mynd og spurði aðra notendur: „Borðið þið Appolo fylltu reimarnar ykkar með eða án hýðis?“. Það eru skiptar skoðanir um hvor aðferðin sé rétt og sumir skilja ekki hvernig nokkrum dettur í hug að taka þetta í sundur.

Umræðan hefur líka leitt í ljós að það eru til enn fleiri aðferðir til að borða fylltar Appolo reimar. Einn notandi sagðist sjúga merginn úr „lakkrísbeininu“ og annar sagðist afhýða fyllinguna og borða hana en kjamsa svo á lakkrísnum með heitu tei þannig að hann bráðni í munninum.

Það virðist vera nokkuð um að fólk taki lakkrísinn utan af, á meðan öðrum finnst það fráleitt.

Einn notandi fullyrðir að hýðið sé næringarríkasti hlutinn af lakkrísreiminni og annar tekur undir þetta og segir að það sé trefjaríkasti hlutinn. Sá sem kom umræðunni af stað segir hins vegar að það sé kannski of mikið sagt að það séu trefjar. Hann segir að ein ákveðin trefj sé samt í miklum mæli og vísar þannig til ógleymanlegs atriðis frá Radíusbræðrum.

Auglýsing

Að minnsta kosti einn notandi hefur góða og gilda ástæðu til að afhýða fyllinguna, því viðkomandi fær hausverk af lakkrísnum. Notendur hafa samt mismikla þolinmæði fyrir þessum pælingum og einn fullyrti að hann væri að tilkynna málið til lögreglu.

Auglýsing

læk

Ummmmm...

Instagram