Sjónvarpsstjarnan Stewart, sem margir þekkja betur sem corgi hundinn Cheddar úr þáttunum Brooklyn Nine-Nine er látinn.
Í frétt Entertainment Weekly kemur fram að eigandi Stewarts tilkynnti andlát leikarans á instagramsíðu sinni fyrir stuttu. Hinsta máltíð Stewarts, sem var 13 ára gamall, voru hamborgarar af keðjunni In-N-Out Burgers.
Þó svo að nokkrir corgi hundar hafi farið með hlutverk Cheddars í þáttunum, var Stewart sá hundur sem lék hlutverkið lengst en við keflinu tekur systir hans, Stella.