Lögreglan í Clay County í Missouri fylki í Bandaríkjunum leitaði uppi einstakling grunaðan um vörslu ólöglegra efna um helgina, sem varla þætti í frásögur færandi nema vegna þess hvernig komst upp um felustað þess grunaða.
Samkvæmt frétt Fox9 um málið varð engin þörf fyrir þefhunda í þessu verkefni því fljótlega missti bófinn frá sér svo svakalegt prump að lögreglumönnunum var hægðarleikur að finna hann.