today-is-a-good-day

Hlustaðu á nýju plötuna hans Kanye West: Tók myndina fyrir umslagið á leiðinni í hlustunarpartíið

Tónlistarmaðurinn Kanye West sendi í dag frá sér sína áttundu plötu. Platan ber nafnið YE og er nú aðgengileg á Spotify og Apple Music. Hlustaðu á plötuna á Spotify hér fyrir neðan.

Platan var frumflutt í hlustunarpartíi í Jackson Hole í Wyoming í Bandaríkjunum í gærkvöldi. Streymt var beint frá atburðinum í gegnum WAV appið. Fólk hefur verið duglegt við að senda frá sér myndbönd úr hlustunarpartíinu á samfélagsmiðlum í dag en þar voru meðal annars stödd Chris Rock, Nas, Jonah Hill og Candace Owens.

https://www.instagram.com/p/BjfBNm4n_6x/?taken-by=yeezyhq

Enn er óvíst hvenær opinber útgáfa plötunnar verður en Kanye West ætlar sér að nota myndir sem hann tók í hlustunarpartíinu sem myndrænt efni á plötuumslaginu.

Kim Kardashian greindi frá því á Twitter í morgun að Kanye West hefði tekið mynd fyrir plötuumslagið á iPhone símann sinn á leiðinni í hlustunarpartíið.

Hér má sjá umrædda mynd

https://www.instagram.com/p/Bje8EBUHjVu/?taken-by=yeezyhq

Tónlistarmenn á borð við Kevin Parker úr Tame Impala, Ty Dolla Sign og Kid Cudi koma fram á plötunni ásamt Kanye West. Þar vitnar Kanye West einnig í Russell Simmons og Nicki Minaj. Auk þess má finna á henni umdeildar athugasemdir um þrælahald.

Hlustaðu á plötuna hér að neðan

Auglýsing

læk

Instagram