Kanadíska landsliðskonan í fótbolta, Janine Beckie, segist vona að áhugi á kvennaknattspyrnu haldi áfram að vaxa eftir stórskemmtilegt Heimsmeistaramót. Hún hvetur fólk til þess að sýna konum í fótbolta áfram áhuga.
Bandaríska landsliðið tryggði sér sigur á mótinu í gær en Janine og liðsfélagar hennar í Kanada duttu út gegn Svíþjóð í sextán liða úrslitum mótsins. Það hefur aldrei mælst meira áhorf á HM kvenna í knattspyrnu og var áhuginn á mótinu mikill. Til að mynda seldist bandaríska landsliðstreyjan meira en nokkur önnur í sögu Nike.com.
Janine, sem spilar fyrir lið Manchester City í Englandi, segist vonast til þess að fólk haldi áfram að kynna sér kvennaknattspyrnu og kaupa sig inn á leiki.
„Styðjið konur út um allan heim, konur sem leggja hart að sér á hverjum degi til þess að fá tækifæri á þessu sviði, styðjið deildirnar sem gefa þessum konum tækifæri og svo mörgum í viðbót sem munu aldrei fá tækifæri til þess að spila á heimsmeistaramóti,“ skrifar Beckie á Twitter.
Hún segir að eina leiðin til þess að kvennafótbolti haldi áfram að vaxa og stækka sé ef að fólk eyði pening og tíma í það að horfa á þessar konur. „Eftir nokkur ár munum við vonandi ekki þurfa að tala um peninga, allir munu einfaldlega tala um frábærar fótboltakonur sem eru að slá í gegn.“
My hope for after this World Cup is that those of you who have bought into this Tournament, either in France , on tv, streaming, however you’re watching… that when it’s over you don’t stop buying in… buy tickets to league games all over the world..
— Janine Beckie (@janinebeckie) July 7, 2019
Spend your money watching these women, because the more you do, the more the game continues to grow, in a few years hopefully no one will need to talk about the money, they’ll just talk about the ballers who are making it.
— Janine Beckie (@janinebeckie) July 7, 2019