Tónlistarmennirnir Joey Christ og Jón Jónsson frumfluttu nýtt lag í Vikunni með Gísla Marteini á RÚV í gærkvöldi. Lagið heitir Helgarfrí.
Joey Christ segir að lagið sé „the sound of tomorrow“ eða hljóð morgundagsins í samtali við Gísla. Hann segir að hugmyndin af því að vinna með Jóni hafi kviknað á Innipúkanum árið 2017.
Landslið tónlistarmanna var mætt í settið hjá Gísla en Elísabet Ormslev, Sturla Atlas og Unnsteinn Manúel sungu bakraddir og Logi Pedro spilaði á gítar.
Gísli Marteinn var heldur betur heillaður af flutningnum en þegar lagið kláraðist sagði hann það hafa sennilega verið það besta sem hann hafði heyrt á ævinni.
Smelltu hér til þess að hlusta á lagið