Sjónvarpsserían Venjulegt fólk var frumsýnd í heild sinni á Sjónvarpi Símans Premium síðastliðin föstudag. Daginn áður mættu leikarar og aðstandendur seríunnar ásamt góðum gestum í Smárabíó þar sem horft var á fyrstu tvo þættina. Gestir skemmtu sér konunglega og hefur serían slegið í gegn um helgina.
Venjulegt fólk er gamansöm þáttaröð um dramað sem fylgir lífsgæðakapphlaupi tveggja vinkvenna. Að upplifa frægð og frama er ekki bara dans á rósum heldur hefur það ófyrirsjáanlegar afleiðingar fyrir þær, fjölskyldu og vini.
Með aðalhlutverk fara þær Vala Kristín, Júlíana Sara, Hilmar Guðjónsson og Arnmundur Ernst. Vala og Júlíana skrifa þættina ásamt Dóra DNA og Fannari úr Hraðfréttum en hann leikstýrir einmitt þáttunum.
Venjulegt fólk er topp 5 bestu íslensku þættir sem hafa verið framleiddir !
— Arnar Freyr Heimisson (@Arnarf94) November 4, 2018
Var á frumsýningu á Venjulegu fólki, frábært stöff! Innilega til lukku allir sem komu að þáttunum.
— Steindi jR (@SteindiJR) November 1, 2018
Horfði á þáttinn Venjulegt fólk á @siminn frábærir þættir ??vonandi kemur seria 2 @DNADORI
— Sveinn Ólafur Magnús (@sveinnom) November 3, 2018