Miðar á tónleika Justins Bieber sem voru í boði í forsölu í morgun seldust upp á klukkutíma. Almenn sala hefst í fyrramálið klukkan tíu og gera má ráð fyrir að seljist fljótt upp á tónleikana. Þetta kemur fram á mbl.is.
Tónleikahaldarinn Ísleifur B. Þórhallsson segir í samtali við mbl.is að mörg þúsund hafi ekki náð ekki miðum í forsölunni í morgun. „Eftirspurnin er miklu miklu miklu meiri en framboðið,“ segir hann.
Sjá einnig: Stelpan sem Justin Bieber leitaði að er fundin, hún veit ekki hvað hún á að gera
Í forsölunni í dag var notast við stafræna biðröð sem dregur úr álagi á netþjóna. Hver og einn fær þá númer og upplýsingar um hvar hann sé í röðinni og hvenær hann geti gengið frá greiðslu. Bilun hjá netþjónustufyrirtæki olli því að einhverjir Bieber-aðdáendur misstu sæti sitt í röðinni.
Ísleifur segir á mbl.is leiðinlegt þegar svona gerist en bætir við að erfitt sé að taka ábyrgð á því sem gerist hjá þriðja aðila.