Sjónvarpsþáttaröðin Framvandrerne eða Beforeigners verður frumsýnd á HBO í vikunni. Ágústa Eva Erlendsdóttir fer með aðalhlutverk í þáttunum en hún leikur víking sem birtist óvænt í norskum nútíma.
Samkvæmt frétt á vef RÚV þykja þættirnir lofa góðu en fyrsti þátturinn var forsýndur í Osló á dögunum. Þættirnir fjalla um fólk frá fornri tíð sem birtist á undraverðan hátt í náinni framtíð í Osló.
Ágústa Eva segir í samtali við RÚV að henni lítist rosa vel á þættina. „Ég var auðvitað búin að lesa handritið og það lofaði rosalega góðu. Það var síðan ofsalega gaman að sjá afraksturinn. Ég er bara mjög stolt og vona að Íslendingar fái að sjá þættina líka,“ segir Ágústa Eva.