Klámsíðan Pornhub ætlar að bæta við þjónustu sína og bjóða upp á kynfræðslu fyrir notendur sína. Síðan er gríðarlega vinsæl en hana sækja um 70 þúsund manns á hverjum degi.
Stjórnendur Pornhub vilja að síðan verði staður sem fólk heimsækir til að nálgast upplýsingar um kynlíf og almenna kynfræðslu.
Í tilkynningu, þar sem greint er frá þessari nýjung, segir að að vefsíðan sé nú þegar einskonar kynfræðsla fyrir ungt fólk en nú vilja stjórnendurnir bæta um betur og veita „formlegri“ kynfræðslu til þeirra sem hana vilja.
Þá segir einnig að klám kenni ýmislegt þegar kemur að tæknilegum atriðum í kynlífi. Með kynfræðslunni á vefnum verði hægt að kenna notendum atriði sem ekki er hægt að læra í gegnum klámmyndböndin. Meðal annars verður hægt að fræðast um kynsjúkdóma, öruggt kynlífi, heilbrigði, virðingu.
Pornhub fékk til liðs við sig þaulreyndan kynlífsfræðing, Dr. Laurie Betito, til þess að stýra kynfræðsluhluta síðunnar. Hún segir markmiðið sín og Pornhub vera að veita notendum trúverðugar og raunverulegar upplýsingar frekar en að fólk afli sér rangra upplýsinga á netinu.
Svæðið á við alla aldurshópa og verði upplýsingarnar fjölbreyttar. Þar verður til dæmis hægt að nálgast upplýsingar á borð við „Hvernig verða börn til?“ eða „Eru virkilega þrjú göt?“.