Neytendastofu hafa borist 21 ábending um hugsanleg brot gegn útsölureglum í tengslum við svartan föstudag og rafrænan mánudag. Þetta staðfestir Matthildur Sveinsdóttir, sviðsstjóri hjá Neytendastofu.
„Greiningarvinna stendur eftir og því er á þessu stigi ekki hægt að veita nánari upplýsingar eða upplýsa um í hversu mörgum tilvikum er tilefni til aðgerða af hálfu Neytendastofu,“ segir Matthildur í samtali við Nútímann.
Við á Nútímanum munum áfram fylgjast með þessari rannsókn Neytendastofu og greina í kjölfarið frá því hvaða fyrirtæki það voru sem svindluðu á neytendum þegar niðurstaðan liggur fyrir.