Hráefni:
- 1 heill kjúklingur
- 2 msk ólívuolía
- 1 dl mjúkt smjör
- 2 stórir rósmarín stilkar, saxaðir niður
- 4 hvítlauksgeirar, rifnir niður
- rifinn börkur af 3 sítrónum
- salt & pipar
- safinn úr 2 sítrónum
- sítrónubátar, gróft skorinn laukur og rósmarínstilkar sem fara inn í kjúklinginn
Aðferð:
1. Hitið ofninn í 210 gráður.
2. Setjið mjúkt smjör í skál ásamt ólívuolíu, rósmarín, hvítlauk og rifnum sítrónuberki. Hrærið þessu vel saman og leggið til hliðar.
3. Kryddið kjúklinginn vel með salti og pipar. Makið næst smjörblöndunni vel á allan kjúklinginn (ekki nota alla blönduna núna) Kreistið næst sítrónusafa yfir hann.
4. Setjið sítrónusneiðar, lauk og rósmarínstilka inn í kjúklinginn. Gott er að binda saman leggina á kjúklingnum en ekki nauðsynlegt. Setjið kjúklinginn í fat og eldið hann í 45 mín. Takið hann þá út og makið restinni af smjörblöndunni yfir hann. Eldið hann áfram í 15 mín eða þar til hann er orðinn fallega gylltur.
5. Leyfið honum að standa í nokkrar mínútur áður en hann er skorinn.