Jeff Bezos stofnandi Amazon hefur grætt vel á heimsfaraldrinum. Á einum degi hefur auður hans aukist um 11 milljónir króna á hverri sekúndu sem líður. Þetta er algjörlega óskiljanleg tala fyrir venjulegt fólk en ef hann missti allt þá tæki innan við tvær mínútur að verða milljarðamæringur í íslenskum krónum talið.
Heildarauður Bezos er orðinn næstum 200 milljarðar bandaríkjadala en það þjónar engum tilgangi að færa það yfir í íslenskar krónur því þetta er svo fáránleg upphæð. Ekki eru allir jafn ánægðir fyrir hönd Bezos en fólk hefur bent á að hann gæti útrýmt hungursneið í heiminum með hluta af auði sínum.
Ef Bezos myndi selja eigur sínar þá gæti hann rekið íslenska ríkið í meira en 10 ár!
Ef hann tæki út eigur sínar í seðlum þá væri hann með 15% af öllum seðlum sem eru í umferð í Bandaríkjunum.
Hér að neðan er myndband sem gerir tilraun til að útskýra hversu ríkur Bezos er orðinn.