Mike Bloomfield er 58 ára gömul fótboltabulla sem eignaðist á dögunum þennan fallega dreng.
Mike heldur með Millwall og ákvað að skíra drenginn „Bermondsey Millwall Den“. Það eina sem er athugavert við þá ákvörðun er að hann ákvað það alveg sjálfur án samráðs við konuna sína.
Þegar konan var ekki heima fór Mike með soninn á „The registry office“ sem mundi svipa til sýslumanns hér, og lét skrásetja nafnið.
Kona Mike er með meira jafnaðargeð en flestir sem ég þekki, því hún hefur ákveðið að sætta sig bara við orðinn hlut og segist vera að venjast nafninu – þrátt fyrir ákveðið sjokk í byrjun.
Hefðir þú brugðist svona vel við ef maki þinn hefði tekið svona ákvörðun?