Þetta er það sem gerist þegar þú þværð ekki á þér typpið í 24 ár …

Auglýsing

Zach er 24 ára gamall Breti frá Gloucestershire sem ákvað að fara í sjónvarpsþáttinn “The Sex Clinic” svo hann gæti fengið sérfræðiaðstoð með typpið á sér.

“Typpið á mér virkar ekki stundum,” útskýrði Zach í vinsæla breska þættinum. “Forhúðin á mér endar alltaf í einhverju fokking veseni.”

Hann hélt að forhúðin væri vandamálið og að hann þyrfti að láta skera forhúðina af – en það var ekki það sem var raunverulega að hjá honum.

Auglýsing

Forhúðin hjá Zach var einstaklega þröng, þá sérstaklega þegar hann stundaði kynlíf – og það var skrítin lykt af typpinu hans.

“Ég er búinn að stunda kynlíf í mörg ár, en það er bara nýlega sem ég hef átt við þessi vandamál með forhúðina mína.”

Vandamálið hafði staðið yfir í 9 mánuði, en það var eitt skipti sem gerði útslagið sem varð til þess að Zach fór í þáttinn: “Þá leit ég niður og mér brá. Ég varð bara að gera eitthvað í þessu. Það var einhver samsöfnuður á kónginum … þetta leit grimmilega út. Lyktin var hræðileg. Ég gat ekki lifað svona.”

Zach sagði að þetta hefði orðið til þess að hann gat ekki alltaf klárað að stunda kynlíf. “Mér leið eins og typpið mitt hefði brugðist mér.”

Konan sem hann hefur verið að stunda kynlíf með undanfarið sagði honum að typpið hans hefði stækkað, sem hefði átt að kveikja á einhverjum viðvörunarbjöllum – en Zach hélt að hann væri enn að stækka.

En hjúkrunarfræðingurinn í þættinum var fljót að svara: “Hversu gamall ertu? 24? Ég held að þú sért hættur að stækka elskan mín.”

Sérfræðingurinn sem hann hitti, læknirinn Naomi Sutton, sagði honum að typpið hans hefði stækkað út af bólgum í typpinu og forhúðinni.

Naomi skoðaði typpið hans og dró forhúðina aftur. Hann sagði strax að það væri óþægilegt og að þetta væri “ókunnug tilfinning”. Eftir að hann hafði dregið forhúðina aftur á meðan Naomi fylgdist með þá sagði hann: “Ég dreg forhúðina venjulega ekki svona langt aftur.”

Hún spurði hann hvort að hann hefði dregið forhúðina svona langt aftur þegar hann var yngri og Zach sagðist aldrei hafa munað eftir því að hafa dregið forhúðina svona langt aftur.

Nú var augljóst hvert vandamálið var.

“Ókei, svo þessi uppsöfnuður sem er hérna undir er kallaður forhúðarostur,” útskýrði Naomi.

Forhúðarostur er uppsöfnuður af olíu, húð og raka. Svona uppsöfnuður er ekki heilbrigður og getur leitt til þess að karlmenn fái bólgur og jafnvel sýkingar. Það er einstaklega auðvelt að tækla forhúðarost með því að þvo hann í burtu, en það var greinilegt að Zach hafði aldrei þvegið á sér typpið.

Þegar hann var spurður hvernig hann þvoði sér þarna niðri þegar hann færi í sturtu og hversu vel hann þvæði á sér typpið undir forhúðinni þá var svarið hans Zach einfaldlega: “Ég geri það ekki.”

Zach – sem er barþjónn sem segist hafa sofið hjá í kringum 40 konum – var sagt að það að þvo á sér typpið almennilega myndi losa hann við allan sársauka og verða til þess að bólgan myndi hjaðna.

Áhorfendur í Bretlandi hafa margir hverjir tjáð sig um málið á samfélagsmiðlum og flestir hafa gagnrýnt Zach harðlega fyrir að hafa aldrei þvegið á sér typpið.

Naomi, læknirinn sem skoðaði Zach, varði hann aftur á móti á samfélagsmiðlum og sagði að forhúðarostur væri algengara vandamál en fólk gerði sér grein fyrir og að öll svona umræða væri mikilvæg.

En fólk var samt á því að það væri ansi skrítið að þvo ekki á sér typpið í 24 ár.

Auglýsing

læk

Nýjast á menn

Instagram