Kvikmyndin Webcam verður frumsýnd á morgun. Anna Hafþórsdóttir og Telma Huld Jóhannesdóttir eru í aðalhlutverkum í myndinni sem fjallar um stúlku sem gerist svokölluð cam girl og byrjar að fækka fötum fyrir framan vefmyndavél.
Sjá einnig: Ögrandi mynd um stelpu sem gerist „cam girl“
Anna segist í samtali við mbl.is hafa lagst í smá rannsóknarvinnu og skoðað þennan heim. Hún komst að því að hann er mjög stór þrátt fyrir að hún hafi ekki vitað að hann væri til.
Það eru allskonar stelpur að gera allskonar hluti og það eru miklir peningar í þessu fyrir þær sem eru virkastar og með aðdáendagrunn. Það eru menn sem koma aftur og aftur og stundum er eins og þeir verði ástfangnir af þeim.
Anna segist á mbl.is þakklát leikstjóra myndarinnar fyrir að hafa tekið góðan tíma í æfingar þar sem hlutverkið feli í sér senur sem krefjast mikillar nándar.
„Það eru senur þar sem ég er fáklædd og er að tala í vefmyndavélina en það sem var enn meira krefjandi eru kynlífssenur þar sem ég þarf að vera náin með öðru fólki og hreinlega nakin,“ segir hún á mbl.is.
Sigurður Anton Friðþjófsson leikstýrir myndinni ásamt því að skrifa handritið og Magnús Thoroddsen Ívarsson framleiðir.
Hér má sjá stiklu fyrir myndina.