Danska ferðaskrifstofan Spies hefur gefið út nýja auglýsingu þar sem áherslan er lögð á kynlíf eldra fólks. Sjáðu auglýsinguna hér fyrir neðan.
Spies sló í gegn með auglýsingunni „Do it for Mom“ eða „Gerðu það fyrir mömmu“ í fyrra.vAuglýsingin hefur fengið rúmlega níu milljón áhorf en í henni voru foreldrar hvattir til þess að kaupa sólarlandaferðir handa börnum sínum í von um að þau myndu fjölga sér.
Sjá einnig: Auglýsing sem hvetur dönsk ungmenni til að fjölga sér slær í gegn
Í nýju auglýsingunni er áherslan lög á eldra fólk. Eftir að hafa bjargað framtíð Danmerkur með síðasta myndbandi segist ferðaskrifstofan hafa komið auga á nýtt vandamál. Eftir að dönsk pör eignast börn stunda þau mun minna kynlíf. Það hefur áhrif á heilsu fólks og styttir lífslíkur þeirra, sem hefur slæm áhrif á alla fjölskylduna.
Spies hafa þó fundið lausn við því vandamáli. Aftur! Til þess að bæta kynlífið þitt og auka lífslíkurnar þarftu bara að kaupa sólarlandaferð og hjólin fara snúast.