Það er ekki sjón að sjá eina af stjörnum þáttarins Peaky Blinders en þessar myndir voru teknar af Paul Anderson þegar hann var að útrétta í miðborg Lundúna á miðvikudaginn. Hinn 48 ára gamli leikari var klæddur í þykka flískápu, hettupeysu með blettatígursmynstri, rifnuð gallabuxum og íþróttaskóm þegar hann gekk út af bakaríi einu í stórborginni.
Anderson, sem lék Arthur Shelby í Peaky Blinders, fékk á dögunum dóm fyrir vörslu fíkniefna en hann var handtekinn á ölhúsi einu í London á öðrum degi jóla í fyrra. Var hann handtekinn með neysluskammta af krakki, sem er reykjanlegt kókaín, og amfetamín ásamt pípu til að reykja efnin.
Aðdáendur í áfalli
Þá var hann einnig dæmdur fyrir brot á lyfjalögum en hann hafði í vösum sínum nokkrar töflur af diazepam, sem eru róandi efni, og pregabalin, sem eru lyf sem notuð eru vegna flogaveiki. Fyrir vikið fékk hann tæplega 200 þúsund króna sekt.
Aðdáendur hans eru í áfalli yfir myndunum sem birtust af Anderson í breskum fjölmiðlum í vikunni en eins og sést þá er Anderson ansi ólíkur hinum oft á tíðum pirraða Arthur Shelby sem vann hug og hjörtu þeirra sem horfðu á Peaky Blinders.
„Hann lenti í óheppilegri stöðu og hefði átt að finna styrk til þess að segja nei. Þú kannast eflaust við hann úr krefjandi hlutverki sem hann hefur leikið í nýlegum sjónvarpsþáttum. Hann þekkist oft á götu úti og gerir þá sitt besta til þess að þóknast aðdáendum þáttains með því að renna sér í karakter,“ sagði lögfræðingur hans við réttarhöldin í janúar.
Verður hann í bíómyndinni?
„Fólk þekkti hann á annan í jólum og hann reyndi að vera þessi karakter þá – og vegna þess lífs sem hann lifir að þá gefur fólk honum oft ýmislegt til þess að hvetja hann áfram.“
Peaky Blinders-þáttunum lauk í apríl árið 2022 en í bígerð er kvikmynd sem byggð er á þáttunum. Vonast aðdáendur til þess að handtaka Anderson og neysla hans á vímuefnum verði ekki til þess að hann verði klipptur út úr þeirri kvikmynd. Við vonum ekki.
