Jared Ravizza er nú í haldi lögreglu í Braintree í Bandaríkjunum eftir að hafa stungið sex manns með hníf. Meðal fórnarlamba hans voru fjórar ungar stúlkur á aldrinum 9 til 17 ára.
Ravizza réðist á stúlkurnar í kvikmyndahúsi en hann ruddi sér leið inn í kvikmyndahúsið íklæddur síðum frakka og hárkollu. Hann sagði ekki orð við stúlkurnar samkvæmt CBS heldur kom aftan að þeim og byrjaði að stinga þær og hló allan tímann að sögn móður stúlknanna. Sem betur fer særðust stúlkurnar ekki lífshættulega en var skiljanlega mikið brugðið.
Ravizza fór svo á McDonald‘s veitingastað þar sem hann stakk tvo aðra að tilefnislausu að því er virðist.
Samkvæmt heimildarmanni CBS var Ravizza eftirlýstur fyrir morð í Connecticut fylki í Bandaríkjunum.
Ravizza hefur verið mjög opinskár meðkynhneigð sína á samfélagsmiðlum og hefur lifað í nokkurn tíma sem trans-kona samkvæmt MSN.com.