Um 18:30 í gærkvöldi barst lögreglunni á Norðurlandi eystra tilkynning um að karlmaður um tvítugt hefði fallið í Fnjóská við ósa hennar.
Maðurinn var með þremur félögum sínum en hann hvarf sjónum stuttu eftir að hann féll í ána en mikill fjöldi leitarmanna hefur verið að störfum á svæðinu.
Leitin hefur því miður ekki borið árangur ennþá og segir lögreglan að aðstæður á svæðinu séu erfiðar, áin mjög lituð og leitarsvæðið stórt þegar í ósa árinnar er komið.
Von er á frekari upplýsingum frá lögreglu er líður á daginn.