Jólalag Baggalúts árið 2018 er komið út. Sveitin fær aðstoð frá stórsöngkonunni Svölu Björgvins sem syngur lagið. Lagið heitir Sex.
Jólalög Baggalúts hafa slegið í gegn í gegnum tíðina en þeir hafa áður gefið út jólalög á borð við Nú mega jólin fara fyrir mér og Stúfur. Svala Björgvins er heldur enginn nýgræðingur þegar kemur að jólalögum en hún söng eitt ástsælasta jólalag þjóðarinnar, Ég hlakka svo til, á sínum tíma. Í laginu Sex er einmitt tilvitnun í það lag.