Ef þú hefur ekki séð Eiðinn og vilt ekkert vita um myndina áður en þú sérð hana skaltu ekki lesa þessa frétt. Smelltu frekar hér og horfðu á fyndnasta myndband helgarinnar.
—
Baltasar Kormákur breytti endinum á Eiðinum eftir að myndin var forsýnd á þriðjudaginn í síðustu viku. Tómas Valgeirsson, kvikmyndagagnrýnandi Fréttablaðsins, benti á þetta á Facebook-síðu sinni og Baltasar hefur staðfest þetta í frétt á Vísi.
„Mér fannst eftir forsýningu hann ekki bæta neinu við,“ segir Baltasar á Vísi um endinn sem gestir á forsýningunni fengu að sjá. Um er að ræða ákveðna eftirmála sögunnar sem Baltasar ákvað að taka út eftir að hafa séð myndina í fyrsta skipti með áhorfendum.
„Vegna smæðar íslenska markaðarins þá er ekki hægt að skoða myndir með fullum sal af áhorfendum líkt og oft gert er erlendis,“ segir Baltasar á Vísi.