Söngkonan Beyoncé Knowles hefur birt fjölda mynda frá ferðalagi sínu til Íslands ásamt eiginmanni sínum, rapparanum Jay-Z á vefsíðu sinni.
Hjónin komu hingað til lands í byrjun desember til að fagna 45 ára afmæli rapparans og dvöldu í lúxusbústaðnum The Trophy Lodge í Biskupstungum.
Þau ferðuðust víða um landið í þyrlu, skoðuðu Skógarfoss, eldgosið í Holuhrauni og skelltu sér í Bláa lónið.
Þau voru augljóslega vel búin fyrir kuldann.
Jay-Z fékk köku og söng frá eiginkonu sinni á afmælisdaginn.
Útsýnið var ekki slæmt.
Blue Ivy, dóttir hjónanna, kom til landsins ásamt fjölskyldu hjónanna.
Jay-Z og Beyoncé kíktu upp á Langjökul.
Og stemningin í Bláa lóninu var góð.
Við myndum líka skála í kampavíni ef þetta væri fararskjótinn okkar.
Beyonce bregður á leik.
Jay-Z bregður ekki á leik.
Í stuði við Skógarfoss.
