Myndband sem sýnir Brian Karem, blaðamann Playboy, láta Söruh Huckabee Sanders, talsmann Hvíta hússins, heyra það á blaðamannafundi í Hvíta húsinu ferðaðist hratt um internetið í gær. Brian gagnrýndi starfsfólk Hvíta hússins fyrir framkomu þeirra í garð blaðamanna.
Myndbandið má sjá hér fyrir neðan
https://youtu.be/DVOYEgeyYCI
Fyrr í vikunni dró CNN til baka frétt sem tengdi Anthony Scaramucci, starfsmann Donalds Trump, við rannsókn á meintum tengslum Rússa við forsetakosningarnar í Bandaríkjunum í fyrra. Heimildarmaður CNN var nafnlaus og þrír blaðamenn sögðu upp í kjölfarið á því að fréttin var dregin til baka. Þá hótaði Scaramucci að lögsækja fjölmiðilinn.
Sarah Huckabee Sanders gagnrýndi CNN harðlega á blaðamannafundi í Hvíta húsinu í gær og það fór fyrir brjóstið á blaðamanni Playboy sem lét hana heyra það í kjölfarið.
Þetta fór fyrir brjóstið á Jennu Jameson, fyrrverandi klámmyndaleikkonu, sem lét í sér heyra á vefmiðlinum Breitbart í dag. „Ef ég á að vera hreinskilin þá er ég hissa á því að Playboy sé hleypt inn í Hvíta húsið,“ sagði hún.
Síðan þeim fannst það góð hugmynd að fjarlægja nekt úr tímaritinu hefur trúverðugleiki þeirra tapast. Sú staðreynd að þau telja að fólk lesi greinarnir í Playboy sínir að þau hafa ekki hugmynd um hvað fólk er að eyða peningunum sínum í þegar það kaupir tímaritið.
Þetta er ekki í fyrsta skipti sem Jenna styður Donald Tump en skoðanir hennar eru oftar en ekki í takt við annað efni á vefmiðlinum Breitbart.