Rapparinn Cardi B kom í fyrsta sinn fram opinberlega síðan að hún eignaðist barn á MTV tónlistarhátíðinni í gærkvöldi. Hún opnaði hátíðina með því að þykjast gefa verðlaunagrip brjóst.
Cardi B eignaðist barn með rapparanum Offset fyrr í sumar en áður hafði hún hætt við tónleikaferðalag sitt vegna óléttunnar.
Sjá einnig: Cardi B og Offset eignast stúlku
Cardi B mætti á svið með risa teppi og hélt því að einu brjósti sínu. Eftir ræðu sína tók hún verðlaunagrip úr teppinu við mikinn fögnuð áhorfenda.
Cardi vann síðar um kvöldið þrjú verðlaun á hátíðinni, hún var valin besti nýi listamaðurinn, lagið I Like It sem hún gerði með Bad Bunny og J Balvin vann verðlaunin Lag sumarsins og þá fékk hún verðlaun fyrir samstarf sitt með Jennifer Lopez og DJ Khaled vegna lagsins Dinero.
ICYMI — @iamcardib opened the 2018 #VMAs! ? pic.twitter.com/LUzJ0UEUUc
— MTV (@MTV) August 21, 2018