Tónlistarmaðurinn Daði Freyr hefur sýnt það og sannað að hann gerir frábærar ábreiður á þekktum lögum á borð við All out of luck, Gordjöss og Gleðibankann. Hann er ekki hættur í ábreiðunum því nú í dag gaf hann út stórskemmtilega ábreiðu af þemalagi uglunnar Hedwig úr kvikmyndunum um Harry Potter á hljóðgervil eða synth á ensku. Hlustaðu á ábreiðuna hér að neðan.
Sjá einnig: Daði Freyr sendir frá sér nýtt lag: tók upp myndbandið í sveitinni hjá Árnýju og kýrnar leika stórt hlutverk
Daði greinir frá því á Twitter að hann hafi upphaflega gert þessa ábreiðu fyrir brúðkaup vina sinna en nú noti hann það til að auglýsa nýja lagið sitt Skiptir ekki máli sem er á Spotify og YouTube.