today-is-a-good-day

Dularfullur dauðdagi Instagram-stjörnu rannsakaður, fjölmiðlar gera mikið úr hrollvekjandi skilaboðum

Lögreglan í Grikklandi rannsakar nú dauða áströlsku Instagram-stjörnunnar Sinead McNamara sem fannst látin á snekkju mexíkóska milljarðamæringsins Alberto Baillères á föstudag. Ekki er útlilokað að hún hafi svipt sig lífi en erlendir fjölmiðlar gera mikið úr hrollverkjandi skilaboðum sem hún lét fylgja mynd fyrir skömmu.

Sinead McNamara var tvítug og hafði starfað á snekkjunni í fjóra mánuði. Hún fannst hangandi í snöru í bakborða snekkjunnar sem var bundin við bryggju í bænum Argostoli á grísku eyjunni Kefalonia.

Samkvæmt yfirvöldum er mögulegt að hún hafi svipt sig lífi en rannsókn stendur nú yfir. Hún var á lífi þegar hún fannst en lést á leiðinni á spítala í Aþenu.

Fjölmiðlar erlendis hafa gert mikið úr skilaboðunum með þessari mynd, þar sem hún segist vilja snúa aftur þar sem eina áhyggjuefnið sé að höfuðkúpubrotna — væntanlega tilvísun í fararskjótann á myndinni

Snekkjan hefur verið kyrrsett á meðan rannsókn stendur yfir.

Auglýsing

læk

Instagram