today-is-a-good-day

Egill og Bubbi takast á um blandaðar bardagalistir, alvarlegri slys í hestaíþróttum

Egill Helgason birtir færslu á bloggi sínu í dag um bardaga Gunnars Nelson. Gunnar tapaði bardaganum illa og Egill segir í pistli sínum að það sé stundum sagt að góð íþrótt sé gulli betri.

„Gríðarlegur fréttaflutningur hefur verið af viðureign Gunnars Nelson og Demians Maia í íþróttinni MMA, langmestur þó á fjölmiðlum 365. Það fór svo að Gunnar tapaði. Ósigur hans fólst í því að hann var keyrður niður í gólf, honum haldið og hann laminn viðstöðulaust í hausinn.“

Egill hefur áður gagnrýnt blandaðar bardagalistir og sagði einu sinni í pistli að íþróttin væri ógeðsleg.

Bubbi Morthens spyr í athugasemdakerfinu undir færslunni hvernig menn nenna þessu tuði. „Menn ákveða sjálfir hvað þeir vilja og gera það eftir ströngum reglum,“ segir hann og bendir á að alvarlegri slys gerist í hestaíþróttum.

Sumt fólk fer svo illa með sig vegna ofáts, reykinga og drykkju. Bönnum þessu fólki að fara svona með sig. Þetta kostar þjóðfélagið stórpening — fólk sem er of feitt. Skipum þeim í megrun, læsum fólk inni sem drekkur óhóflega, kærum fólk sem reykir. Bla bla bla bla. Lágmenning hvað?

Egill bendir þá Bubba á grein á vef Wikipedia um sjúkdóm tengdum höfuðhöggum. Samkvæmt greininni tengist sjúkdómurinn reyndar helst boltaíþróttum.

Auglýsing

læk

Instagram