https://www.xxzza1.com

Elon Musk og Neuralink í sögubækurnar: „Heilakubburinn“ græddur í einstakling í fyrsta skiptið

Fyrsti „heilakubburinn“ frá Neuralink hefur verið græddur í einstakling í fyrsta skiptið í sögunni en þetta gæluverkefni milljarðamæringsins Elon Musk er því komið í sögubækurnar og rúmlega það. Musk tilkynnti þetta á samfélagsmiðli sínum X í gær og fullyrti að fyrstu niðurstöður litu vel út.

Musk sagði að sjúklingurinn hafi fengið ígræðsluna á sunnudag en sá hafi verið hluti af fyrsta hóp einstaklinga sem fær „heilakubbinn“ en allt er þetta gert með blessun FDA sem er Matvæla- og lyfjaeftirlit Bandaríkjanna.

„Fyrstu niðurstöður sýna fram á aukna virkni taugafrumna,“ sagði Musk en „heilakubburinn“ er kallaður Telepathy en samkvæmt milljarðamæringnum er hægt að stjórna símanum þínum, tölvunni „eða nánast hvaða snjalltæki, bara með því að hugsa.“

Hann gekk enn lengra og sagði: „Ímyndaðu þér ef Stephen Hawking gæti tjáð sig hraðar en hraðritari eða uppboðshaldari. Það er markmiðið.“

Prófa öryggi kubbsins og aðgerðarinnar

Fyrirtæki Musk, Neurolink, er að prufa öryggi kubbsins og hvort vélmennið, sem sér um skurðaðgerðina og kemur kubbnum fyrir, starfi ekki sem skyldi. Þá vildi fyrirtækið einnig sjá hvernig framtíðartækni myndi virka í hinum raunverulegaheimi. Ekkert af þessu hljómar skynsamlegt – að minnsta kosti myndi maður halda að fáir hafi boðið sig fram í þetta tilraunaverkefni en svo var heldur betur ekki. Mikill fjöldi fólks sótti um að taka þátt.

Matvæla- og lyfjaeftirlit Bandaríkjanna gaf leyfi fyrir þessum tilraunum í maí en um er að ræða lítið skref í löngu ferli í átt að endanlegu samþykki FDA.

Samt er þetta stórt skref fyrir Elon, fyrirtækið hans Neuralink…og mannkynið.

Hér fyrir neðan er myndskeið sem útskýrir þennan „heilakubb“ milljarðamæringsins.

Auglýsing

læk

Instagram