Rapparinn Eminem hefur sent frá sér lag þar sem hann dissar rapparann Machine Gun Kelly. Lagið heitir Killshot og þú getur að sjálfsögðu hlusta á það hér fyrir neðan.
Machine Gun Kelly tísti árið 2012 um dóttur Eminem og sagði að hún væri „sjóðandi heit“ (e. hot as fuck). Ummælin féllu ekki í kramið hjá Eminem sem rappaði fyrst um Machine Gun Kelly í laginu Not Alike og fór ekki um hann fögrum orðum.
Machine Gun Kelly svaraði þá fyrir sig í laginu Rap Devil, gerði meðal annars grín að skeggi Eminem, sagði hann leiðinlegan og edrú ásamt því að gera athugasemdir við hvernig hann klæðir sig.
Killshot hefst á því að Eminem segir Machine Gun að halda kjafti áður en hann veður í nafn hans og hárgreiðslu: „How you gonna name yourself after a fucking gun and have a man bun?“