Vefverslunin Asos er oft brautryðjandi fyrir breytingar í tískuheiminum. Í vikunni birtust fyrstu myndirnar á síðu þeirra af fyrirsætum í hjólastól.
Fleiri fyrirsætur sem glíma við fötlun hafa í kjölfarið sýnt föt á vefversluninni. Fötin eru sérhönnuð fyrir fólk í hjólastól en allir geta notað þau. Til að mynda eru til sölu föt sem er sérstaklega þægilegt að sitja í.
Verslunin fékk Chloe Ball-Hopkins, sem hefur keppt fyrir Bretland á Ólympíuleikum fatlaðra til þess að sitja fyrir á myndum og einnig til þess að hanna samfesting sem er til sölu á síðunni.
So over the last several months I have been working with @ASOS to create a fashionable, yet practical waterproof all in one! Not just for people like me in a chair but for anyone. It's about making fashion accessible! So what should be next?! https://t.co/1gzzkRlED9 pic.twitter.com/7yS57QEmpD
— Chloe Ball-Hopkins (@chloe_ballhopzy) July 4, 2018
Sjá einnig: Internetið missir sig úr gleði yfir því að ASOS fjarlægi ekki slitför af fyrirsætum í baðfötum
ASOS hefur áður vakið athygli fyrir baráttu sína gegn dýraníði í tískuheiminum og þá hefur fyrirtækið verið áberandi í umhverfismálum. Einnig hefur fyrirtækinu verið hrósað í gegnum tíðina fyrir að fagna fjölbreytileikanum og bjóða upp á föt fyrir fólk í öllum stærðum og gerðum.
Í nýjustu herferðinni eru ekki einungis fyrirsætur í hjólastól en þar má meðal annars sjá konur með stóma, sykursýki, húðsjúkdóma, downs-heilkenni og með hækjur .
Átakið hefur fengið góð viðbrögð á samfélagsmiðlum. Inga Bjarnadóttir, ein fremsta baráttukona fatlaðra hér á landi, fagnaði átakinu á Twitter síðu sinni í gær. „Þetta mjakast,” skrifaði hún.
Bandarískar fataverslanir eru í auknum mæli farnar að nota fötluð módel og selja „aðgengileg“ föt. T.d. setti ASOS þennan jumpsuit á markað á dögunum https://t.co/OU1soDV6u0
Þetta mjakast ??? https://t.co/GUUsCzg5Yo
— Kratababe93 (@ingabbjarna) July 10, 2018