Í yfirlýsingu sem talsmaður Rodrigo Duterte, forseta Filippseyja, sendi frá sér í gærkvöldi kemur fram að forsetinni íhugi nú alvarlega að slíta stjórnmálasabandi við Ísland. Duterte hefur verið fúll út í Ísland undanfarið vegna ályktunar sem fulltrúi Íslands lagði fram í mannréttindaráði Sameinuðu þjóðanna, um rannsókn á mannréttindaástandi á Filippseyjum.
Í yfirlýsingu Panelos, talsmanns Duterte, segir að ályktun Íslendinga sé fáránlega einhliða og einkennist af svívirðilegri þröngsýni, illgirni og hlutdrægni. Þar segir einnig að ályktunin sýni hve litla virðingu Vesturlönd beri fyrir rétti Filippseyja til þess að ákvarða sjálft með hvaða hætti það kjósi að verja borgara sína.
Í ályktuninni er mælst til þess að mannrétindaráð Sameinuðu þjóðanna rannsaki baráttu Duterte gegn fíkniefnaneyslu í Filippseynum en talið er að á bilinu 6 til 20 þúsund manns hafi verið tekin af lífi á þremur árum, margir án dóms og laga.