Það er búið að greina frá því hver verður hin nýja Bachelorette og það er engin önnur en Hannah B sem hreppti titilinn. Þetta verður 15 serían sem fer af stað og mikil eftirvænting ríkir hjá aðdáendum þáttanna. Hannah B kom fyrst fram á skjánum í 23 þáttaröðinni af The Bachelor þar sem hún keppti um hjarta Colton Underwood. Því miður fann hún ekki ástina með Colton en það er aldrei að vita hvort að ástin leynist hjá einhverjum af þeim mönnum sem munu keppast um hylli hennar.
It's official!!? #TheBachelorette pic.twitter.com/xYLnxAPXG9
— The Bachelorette (@BacheloretteABC) March 13, 2019
Hannah B er 24 ára fegurðardrottning og var hún ungfrú Alabama árið 2018. Hannah B varð þekkt hjá aðdáendum Bachelor fyrir karakterinn „Hönnuh skrímslið“ sem kom stundum fram í þáttunum, skrímslið var krúttlegt og kjánalegt þó að heitið gefi annað til kynna.
Áður en að Bachelor heimurinn fékk að kynnast Hönnuh skrímslinu var hún sett fram sem fegurðardrottning frá Alabama sem hafði lent upp á kannt við annan keppanda Bachelor þáttanna hana Caelynn Miller-Keyes. Þær höfðu keppt í sömu fegurðarsamkeppninni stuttu áður og voru núna að keppa um hylli sama mannsins. Þegar dömurnar höfðu leyst ágreininginn sín á milli í þáttunum náði Hannah B að leyfa persónuleikanum sínum að skína almennilega og vinna áhorfendur yfir á sitt band.
Hún hafði áður lýst yfir áhuga á hlutverkinu eftir að hún fékk ekki rós í The Bachelor. Það verður gaman að fylgjast með henni í leit að ástinni og vonandi fær hún sinn ævintýra endi.
God bless, cheers! https://t.co/hqCKnvTCyQ
— Hannah Brown (@hannahbrown) March 6, 2019