Höfundur sjónvarpsþáttanna vinsælu, The Simpsons, Matt Groening, hefur gert samning við Netflix um framleiðslu á nýrri grínþáttaröð. Þættirnir heita Disenchantment og gerast í konungsríki á miðöldum. Tíu fyrstu þættirnir verða frumsýndir á Netflix á næsta ári en samið hefur verið um að framleiða 20 þætti.
Matt Groening var í viðtali við New York Times. og segist mjög spenntur fyrir þáttunum. „Þættirnir fjalla um líf og dauða, ást og kynlíf og hvernig skal hlæja í heimi sem er fullur af þjáningu og hálfvitum.“
Maurice LaMarche og Tress MacNeille sem hafa áður talsett fyrir The Simpsons talsetja persónur þáttanna ásamt þeim Eric Andre, Abbi Jacobson, og Nat Faxon.