Inga Sæland, formaður Flokks fólksins, veifaði peningabúnti í pontu Alþingis í dag. Um leið skoraði Inga á þingmenn að gefa 181 þúsund króna jólabónus þingmanna til góðgerðarmála.
„Ég tók út jólabónusinn minn og ég skora á alla hér að gera slíkt hið sama. Því við höfum efni á því að kaupa gjafakort fyrir fátækt fólk og rétta það til góðgerðasamtaka og ganga á undan með góðu fordæmi. Gleðileg jól,“ sagði Inga.
Bæði er um jólabónus og orlofsuppbót þingmanna að ræða en eftir að Inga lauk ræðu sinni mátti heyra þingmenn í salnum kalla: „Heyr heyr.“