Leikkonan Jennifer Lawrence hefur tjáð sig um myndband sem birt var á vefmiðlinum Radar Online og sýnir hana dansa upp við súlu á nektardansstað. Myndbandið var tekið upp á Beverly Hills klúbbnum í Vín í Austurríki en þar er hún við tökur á kvikmyndinni Red Sparrow.
Jennifer er augljóslega í góðu stuði í myndbandinu, sem hefur vakið talsverða athygli. Í færslu á Facebook segir hún að enginn kæri sig um að láta internetið minna sig á tilraunir til að dansa upp við súlu. „Þetta var í afmælinu hjá einum af bestu vinum mínum og ég ákvað að fella tortryggnissvarnirnar í eina sekúndu og skemmta mér,“ bætir hún við.
Ég ætla ekki að biðjast afsökunar. Ég skemmti mér konunglega þetta kvöld.
Jennifer bætir við að það sé ekki rétt að hún hafi dansað á brjóstahaldaranum, eins og kom fram í fréttum. „Þetta var Alexander Wang toppur og ég ætla ekki að ljúga; mér finnst ég dansa frekar vel.“