Hvorki lið Verkmenntaskóla Austurlands né lið Menntaskólans á Ísafirði gat svarað spurningu um hljómsveitina Limp Bizkit í Gettu betur á mánudagskvöld.
????
Limp Bizkit var ein vinsælasta hljómsveit heims í kringum síðustu aldamót en virðist því miður ekki hafa náð að stimpla sig nógu rækilega inn. Hlustaðu á brot úr Gettu betur hér fyrir ofan.
Á Twitter var kynslóðin sem upplifði þegar nü metal tónlistarstefnan tók yfir heiminn ekki sátt
Krakkarnir gátu ekki svarað Limp Bizkit spurningu. Ég er steinrunninn af elli. #gettubetur
— Hrafn Jónsson (@hrafnjonsson) January 30, 2017
Gettu Betur unglingarnir héldu að Limp Bizkit væri Beastie Boys. Nú fer ég í full-on #hveglötuðervoræska gamlakalla mode. #gettubetur
— Davíð Roach (@DavidRoachG) January 30, 2017
Eitt allra þekktasta lag Limp Bizkit var spilað í Gettu betur og áttu liðin að giska á flytjanda. „Við ætlum að giska á að þetta sé Beastie Boys,“ svaraði lið Menntaskólans á Ísafirði. Kolrangt svar þar á ferð en lið Verkmenntaskóla Austurlands var jafnvel lengra frá réttu svari: „Alice in Chains,“ svöruðu þau.
Sumir glöddust reyndar yfir þessu þekkingarleysi nemendanna
Lærdómur kvöldsins í #gettubetur – Limp Bizkit er gamalt drasl sem börnin hafa aldrei heyrt um. Heimurinn á enn von.
— Stefán Pálsson (@Stebbip) January 30, 2017