today-is-a-good-day

Nýr landsliðsþjálfari Íslands tók Víkingaklappið í viðtali

Svíinn Erik Hamrén var í dag kynntur sem nýr landsliðsþjálfari íslenska karlalandsliðsins í knattspyrnu. Hann tekur við af Heimi Hallgrímssyni sem hætti með liðið eftir HM í sumar. Freyr Alexandersson verður aðstoðarþjálfari Hamren.

Magnús Már Einarsson, ritstjóri Fótbolta.net tók viðtal við Hamrén á fréttamannafundi KSÍ í dag. Í viðtalinu segir Hamrén að hann hafi hrifist af stuðningsmönnum landsliðsins undanfarin ár og henti svo í eitt heiðarlegt víkingaklapp.

Hamrén kom vel fyrir á fréttamannafundi KSÍ þegar hann var kynntur og voru viðstaddir ánægðir með frammistöðu hans á fundinum. Íþróttafréttamaðurinn Tómas Þór Þórðarson gaf ræðu hans 10 í einkunn.

Íslendingar hafa góða reynslu af sænskum þjálfurum en Lars Lagerback stýrði liðinu á sitt fyrsta stórmót þegar Ísland komst á EM í Frakklandi árið 2016 undir hans stjórn.Hamrén segir að markmiðið sé að koma Íslandi á þriðja stórmótið í röð.

 

Auglýsing

læk

Instagram